Die kos is klaar


Dit het nog nooit vir my sin gemaak nie. Van die begin van my so-te-sê finansiële onafhanklikheid was Februarie die kortste maand. Met dié bedoel ek nie die eenvoudige “daar is 2 dae minder nie”. Nee. Februarie het net nooit genoeg geld nie.

As mens eindelik die laaste begeertes met jou laaste sente gekoop het op die 31ste Januarie, kyk mens met glinsterende oë voorentoe na die aankomende 28 dae. Geld sal binnekort invloei in jou verskeie debiet kaarte in (ja, ek’s student) en dan kan jy ook begin om die 10% wat so op aangedring word, te spaar.

Maar dit is nie so nie.

Daar is nog ‘n week oor.

Weet jy hoe ver kan ‘n blikkie Woolies hoendersop en ‘n pak gevriesde McCain groente jou kry? ‘n Hele 3 aandetes. Dis al wat ek kort. Want die naweek gaan ek weer vir Mamma kuier, en hopenlik sal ‘n gawe bakkie voorbereid- en gevriesde kossies vir my staan en wag. Of ten minste ‘n vinnige inhol in Woolies in.

Ek moet net by sê dat mens wel jou ouers vir nog ‘n bietjie kan vrae. Kla sal hulle nie veel nie, want jy is ‘n uur se ry weg en hulle wil jou graag weer sien. Maar trots het ek te veel van.

Ongelukkig kom daar saam met die verantwoordelikheid van finansiële onafhanklikheid ook ‘n genadelose skok van hoe duur die lewe is. Eweskielik maak die optel en aftrek somme van graad 9 rekeningkunde nie so mooi antwoord nie. Want die Vader alleen weet hoe my ouers dit reggekry het om skoolfooie vir 2 kinders te betaal, nie te praat eers van die nog ekstra roomys, kleedingsstuk of potlood nie.

Vir nou sal ek eers die trou en kinders hê storie uitstel. Of is dit juis die antwoord- ‘n ryk man?

As my Ma weer vir my vra: “my liewe dogter, watter man wil jy hê?” sal ek nie tweekeer hoef te twyfel nie.

Een met kos.

Advertisements

3 thoughts on “Die kos is klaar

Add yours

  1. Die kort maand help nie want daar was twee lang maande voor dit waarin feestye was wat al die ekstra geldjie opgeslurp het en mens het ook bietjie oor boord gegaan met kope. Februarie is beslis die langste maand in die hele jaar.

    Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s

WordPress.com.

Up ↑

%d bloggers like this: