Die akkedis wat nie wou lewe nie


As laerskool kind het ek eendag afgekom op ‘n akkedis wat uitasem dryf in die swembad. Dit was ‘n Maandag middag, ‘n frustrerende paar uur voor ouers klaar werk, waar ek alleen by die huis was en myself moes vermaak (natuurlik was huiswerk nie eerste op die lys nie: ‘n kind se brein móét mos rus).

Ek het flink gedink dat ek die halfuur van allenig wees goed kan benut in Christelike dade, deur die arme akkedis van die niet te herwin. Ek het die vorige Sondag geleer van diere wat nie hemel toe gaan nie, en terselfdetyd ook gehoor van Jesus wat deur óns wonderwerke verrig. So besluit ek toe dat dit my plig is om dié akkedis van die niksheid te red, en nog ‘n paar dae op die aarde te skenk- of ten minste tot die kat hom vang.

Ek het hom sorgvuldig uit die water getel, saggies op ‘n bed van blare neergelê, oë dramaties toe gemaak en hande saamgevou begin bid. Ek was uitdagend die eerste keer. Ek het onthou van Jesus se gebede wat eenvoudig en sonder twyfel verloop het:

“Ek spreek lewe in hierdie akkedis, Amen.”

Ek het my een oog oop gemaak. Sowaar, akkedis was nog dood.

Nie te min, soms gaan dit so, net om ons geloof te toets. Daarom probeer ek toe ‘n sagtere gebed. Een waar ek my innige simpatie en liefde vir die akkedis uitspreek en mooi vra of die akkedis maar kan lewe.

“Liewe Jesus, hierdie akkedis het perongeluk in die swembad beland, wat ons so selfsugtig laat grou het. Ek vra dan asseblief vir die lewe van hierdie akkedis om terug te kom.  Hy… sy het dit nie verdien nie. In Jesus naam, Amen.”

Ek het dié keer opgewonde altwee oë oopgemaak. Tot teleurstelling, was die arme akkedis nog dood.

Ek het iets onthou van die versie wat vir ons voorgelees was daardie Sondag. Iets wat gesê het dat nét as ek glo, Jesus deur my kan werk. Ek het teruggesit en diep begin dink. Ek was oortuig dat ek glo. Ek voel dat ek glo. Maar duidelik doen ek nie want die akkedis wil nie lewe nie.

Ek het weer begin, dié keer in oortuiging van my eie geloof.

“Ek glo in God die Vader. …Ek glo dat Jesus ons nie wil seer maak of dood hê nie. Ek glo in die heilige, algemene, Christelike kerk. Ek glo dat Jesus deur ons werk. Ek spreek lewe in die akkedis, Amen.”

Net so voor ek my oë weer oopgemaak het, onthou ek nog ‘n belangrike reël vir die verrigting van wonderwerke:

“as dit U wil is. Amen.”

Met dié het ek maar die akkedis toegedraai in ‘n blaar, ‘n gatjie gegrou in ‘n blompot en besluit dat dit nie God se wil is nie en dat ek nog nie goed genoeg glo nie.

Ek lag nou daaroor, as ek terugdink. Al hoekom ek dit onthou is omdat ek nogsteeds soms dink dat ek my geloof moet bewys. Asof ek God moet oortuig dat ek wel in hom glo.

“As jou lewe nie vrugte dra nie…”

“As jy nie glo nie…”

Asof daar ‘n geloof skaal staan in die hemel waarop my aantal geloof gemeet kan word deur die dade wat ek doen, of die vrugte wat ek dra. Wat hierdie vrugte sal wees weet ek ook nie. Ek’s oortuig ek kan hulle nie self erken nie. Hoekom moet ek dan bekommer of my lewe werklik vrugte dra. As ek glo sal dit mos, of ek dit nou kan sien of nie.

So hou ek dan op bekommer of ek glo of nie.

Ek glo ek glo.

Dis genoeg.

(die akkedis lê nog in ruste by die kaktus- niemand het die geraamtes ooit gaan steur nie)

Advertisements

6 thoughts on “Die akkedis wat nie wou lewe nie

  1. Hallo! Ek hou vir jou tale en verhale baie! Die stories is altyd pret om te leer.

    … and thats about as advanced as my Afrikaans goes, but your stories help increase my vocabulary a LOT. 😉

    Because I enjoy your blog so much, I nominated you for The Versatile Blogger Award! It’s more like a compliment and blog-post-chain, but it’s still pretty cool so be sure to check it out! 🙂 https://texaninsouthafrica.wordpress.com/2015/10/30/the-versatile-blogger-award-facts-about-me/

    Like

  2. That was a fun read. I stumbled on this article, diving into it as I have recently been compelled to read more Afrikaans (not my first language)…any case, I was amused to read the comments of others who are doing the same….Loved the pic that goes with the article.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s